មនុស្សជាច្រើនប្រាកដជាធ្លាប់បានលឺរួចមកហើយ ដែលគេថាមនុស្សស្រីវ័យ 30ឆ្នាំជាងឡើង គឺដឹងតែស្រស់ស្អាតខ្លាំង ដូច្នេះថ្ងៃនេះយើងមកដឹងពីមូលហេតុធំៗ 3 យ៉ាងដែលគេនាំគ្នានិយាយថា ស្រ្តីវ័យ 30ឆ្នាំជាងនេះពិតជាស្រស់ស្អាតមែនឬអត់។
១. មានឯករាជ្យភាព និងស្ថេរភាពផ្នែកហិរញ្ញវត្ថុ
មនុស្សស្រីក្នុងវ័យនេះភាគច្រើនគឺ ពួកគាត់មានមានឯករាជ្យភាព និងស្ថេរភាពផ្នែកហិរញ្ញវត្ថុ ដែលនិយាយខ្លីថា មានលុយនៅក្នុងដៃ ដែលនាំឲ្យពួកគាត់ចង់ធ្វើអីក៏បាន ដូចជាទិញ Skincare ទិញខោអាវ ប៉ាវខ្លួនឯងទៅកន្លែងដែលចង់ទៅ ញ៉ាំអីឆ្ងាញ់ៗ ដែលទាំងអស់នេះនាំឲ្តសុខភាពផ្លូវចិត្តរបស់ពួកគេសប្បាយរីករាយ នាំឲ្យសុខភាពផ្លូវចិត្ត និងសម្រស់កកាន់តែស្រស់ទៅតាមហ្នឹងដូចគ្នា។
២. មេរៀនជីវិត
ដោយសារតែទាំងរឿងស្នេហា ការងារ គ្រួសារ មិត្តភាព គឺពួកគេជួបច្រើន នាំឲ្យពួកគេរៀនសូន្យបានពីមេរៀនជីវិតរបស់ពួកគេ ធ្វើឲ្យពួកគេលែងឈឺចាប់ លែងរាំរៃជាមួយមនុស្សដែលធ្វើបាបផ្លូវចិត្តរបស់ពួកគេ ចេះដកខ្លួនចេញពីមនុស្សដែលបំពុលជីវិតរបស់ពួកគេ ឲ្យយើងចេះចំណាយពេលត្រូវជាមួយមនុស្សដែលផ្តល់គុណភាពជីវិតដល់ពួកគេ។
៣. ហ៊ានរស់ជាខ្លួនឯង
ពួកគេមិនសូវខ្វល់ពីសម្តីអ្នកដទៃមកលើខ្លួនឯង ជាពិសេសគឺសម្តីអវិជ្ជមាន ប៉ុន្តែបើសម្តីអវិជ្ជមាននោះអាចជួយយកមកអភិវឌ្ឃន៍ខ្លួនពួកគេផ្ទាល់ នោះពួកគេនឹងយកមកគិត មួយវិញទៀតគឺការរៀបចំខ្លួនទៅតាមអ្វីដែលខ្លួនឯងស្រឡាញ់ចូលចិត្ត ដែលថាបើធ្វើចឹងទៅអាចស្រឡាញ់ និងជឿជាក់លើខ្លួនឯង ដោយមិនចាំបាច់ខ្វល់ពីការលើកឡើងរបស់នរណាម្នាក់។
សរុបមក មនុស្សស្រីដែលឈានចូលវ័យ 30ឆ្នាំជាង គឺភាគច្រើនសុទ្ធសឹងតែមានភាពឯករាជ្យ និងហ៊ានរស់នៅជាខ្លួនឯង អមជាមួយនឹងភាពជឿជាក់ ហើយចំណុចទាំងអស់នេះហើយគឺជាមន្តស្នេហ៍ដ៏ទាក់ទាញរបស់ពួកគេ ចឹងតើបានជាមនុស្សភាគច្រើនថា ស្រ្តីដែលមានវ័យ 30ឆ្នាំជាងសុទ្ធតែជាស្រីស្អាតចាប់មិនឈ្នះ។
ប្រភព៖ Kim Dyna
