ត្រឹមមួយប៉ព្រិចភ្នែក មួយថ្ងៃបាត់ទៅហើយមួយប៉ព្រិចភ្នែកមួយសប្តាហ៍ទៀតបានកន្លងផុតទៅទៀតមួយប៉ព្រិចភ្នែកបន្ទាប់ ខែថ្មីបានចូលមកជំនួសខែចាស់ក្នុងមួយប៉ព្រិចភ្នែកបន្ទាប់ទៀត ក៏ជិតដាច់ឆ្នាំទៀតដែរ ប៉ុន្តែ តើប៉ុន្មានថ្ងៃ ប៉ុន្មានខែ និង ប៉ុន្មានឆ្នាំទៀត ខ្ញុំអាចឆ្លងកាត់ និង អង្គុយរាប់បែបនេះបានទៀត?
ពេលវេលាពិតជាដើរលឿនពេកហើយ ខ្ញុំក៏មិនដឹងថា ខ្ញុំអាចសល់ពេលប៉ុន្មានទេសម្រាប់ពេលខាងមុខ ដឹងតែថាពេលនេះ ខ្ញុំខំរស់នៅឲ្យល្អបំផុតតាមដែលខ្ញុំអាចធ្វើបាន ដូច្នេះកុំបណ្តោយឲ្យពេលវេលាល្អៗដែលអ្នកនៅសល់កន្លងហួសទៅ។
ចាប់ផ្តើមជាមួយអ្វីដែលធ្វើឲ្យអ្នកសប្បាយចិត្ត រីករាយនូវអ្វីដែលអ្នកមាន រស់នៅឲ្យល្អបំផុត មុនពេលអ្វីៗយឺតពេល ពេលវេលាដើរលឿនណាស់ ដូច្នេះ ឈប់បណ្តោយតទៅទៀត ព្រោះជីវិត អ្នកមិនអាចទាយទុកថានឹងកើតរឿងអ្វីឡើយ ជារឿងដ៏ឆ្លាតបំផុតដែលត្រូវធ្វើនោះគឺ រស់នៅឲ្យមានសុភមង្គលបំផុតសម្រាប់ជីវិតមួយនេះ។
