ត្រូវចាំថា ពេលដែលយើងមិនចេះឲ្យតម្លៃខ្លួនឯង គឺគ្មាននរណាម្នាក់ឲ្យតម្លៃអ្នកទៀតនោះ។ តម្លៃកើតចេញពីអ្វីដែលយើងផ្តល់ឲ្យខ្លួនឯង ពេលយើងមិនឲ្យតម្លៃខ្លួនឯង ស្គាល់ខ្លួនឯងជានរណា និង មានវិធីជាច្រើនទៀតដែលយើងអាចបង្កើនតម្លៃខ្លួនឯង។ ដូចជាវិធីខាងក្រោមនេះ ៖
១. ឈប់ប្រៀបធៀបខ្លួនឯងទៅនឹងអ្នកដ៏ទៃ
គ្មាននរណាម្នាក់ល្អឥតខ្ចោះនោះទេ ទោះជាអ្នកដទៃល្អដល់កម្រិតណា ក៏គង់តែមានចំណុចមួយដែលខ្វះខាតដែរ ដូច្នេះហើយ ត្រូវពេញចិត្តចំពោះអ្វីដែលជាខ្លួនឯង មិនមែនពេញចិត្តចំណុចដែលអ្នកដទៃល្អជាងអ្នកឡើយ។
២. ឲ្យតម្លៃខ្លួនឯងធំជាងទំនាក់ទំនង
កុំព្យាយាមបន្ទាបតម្លៃខ្លួនឯង ដើម្បីរក្សាទំនាក់ទំនងរបស់អ្នក ត្រូវចាំថាអ្នកមានតម្លៃផ្ទាល់ខ្លួនមិនចាំបាច់ទៅអង្វរនរណាម្នាក់្យមកស្រឡាញ់អ្នក និង នៅក្បែរអ្នកនោះទេ ប៉ុន្តែងាកមកមើលថែខ្លួន៊ងនឹងស្រឡាញ់ខ្លួនឯងវិញ ទើបជាការឲ្យតម្លៃចំពោះខ្លួនឯងជាចម្បង។
៣. ធ្វើតាមចំណងចំណូលចិត្តរបស់អ្នក ហ៊ានបដិសេធចំពោះអ្វីដែលអ្នកមិនចង់ធ្វើ
ការធ្វើតាមអ្វីដែលអ្នកត្រូវការ និងអ្វីដែលអ្នកចូលចិត្ត គឺជាសេចក្តីសុខផ្លូវចិត្តមួយដែលមានតម្លៃជាងអ្នកដទៃផ្តល់ឲ្យអ្នកទៅទៀត។ លើសពីនេះ បើសិនជា អ្នកដទៃលើកពីអ្វីដោយគ្មានហេតុផលច្បាស់លាស់ ឬអ្វីដែលអ្នកមិនចូលចិត្តកុំបង្ខំខ្លួនឯងឲ្យធ្វើ ត្រូវហ៊ានបដិសេធជាដាច់ខាត ព្រោះការស្របតាមអ្នកដទៃពេក ធ្វើឲ្យពួកគេលែងមើលឃើញពីតម្លៃរបស់អ្នកនៅថ្ងៃណាមួយ។
៤. កាត់បន្ថយការរិះគន់ខ្លួនឯង
គ្មានអ្នកណាសរសើរអ្នក ខណៈពេលដែលអ្នកតែងតែចំអកពីចំណុចខ្សោយរបស់ខ្លួនឯងនោះទេ ឈប់រិះគន់ខ្លួនឯងតទៅទៀត ប៉ុន្តែត្រូវស្វែងរកចំណុចដែលអ្នកខ្លាំង ឬពូកែវិញ ដើម្បីបង្កើនពីតម្លៃរបស់ខ្លួនឯងឲ្យអ្នកដទៃគោរព និង ឲ្យតម្លៃខ្លួនរបស់អ្នកដោយមិនបាច់ស្នើរសុំ។
នេះជាគន្លឹះជួយបង្កើនតម្លៃនៃខ្លួនរបស់អ្នក ព្រោះបើចង់ឲ្យគេផ្តល់តម្លៃឲ្យអ្នក ជាដំបូងអ្នកត្រូវតែផ្តល់តម្លៃឲ្យខ្លួនឯងជាមុនសិន។ កុំធ្វើឲ្យខ្លួនឯងបាត់បង់តម្លៃដោយសារតែនរណាម្នាក់ ត្រូវចាំថាកន្លែងនាដែលមិនព្រមឲ្យតម្លៃអ្នកត្រូវដើរចេញឲ្យបានឆាប់រហ័ស។
